Bli med på ein spennande dag på Hedleberget søndag 1. september i samband med kulturminnedagane!

Frå kl. 11.00 til 17.00 er det open dag med aktivitetar for heile familien. Årets tema er "spor, nettverk og forbindelsar", og det blir mykje å oppleva.

Kl. 13.00 blir det halde eit foredrag om løypestrengen, etterfølgt av visning av ein kort film om emnet. Det vil også vera demonstrasjonar i kløyving og skanting av skifer. Museet og steinutstillinga held ope, og du kan delta i både natursti og kultursti.

Det vil òg vera flatbrødbaking og musikkinnslag.
Kafeen serverer kaffi, kaker, pølser og brus. I tillegg er det salsbuer med kunst og brukskunst.

Velkomen til ein triveleg dag på Hedleberget!

Stedje/Lothe/Tokvam er i kjempeform etter å ha turnert med dette konseptet i over eit år. Albumet Summetonar tek utgangspunkt i kvar dei tre kjem frå. Om den geografiske og musikalske fellesskapen. Musikken dei har lytta på opp gjennom. Menneska dei har møtt langs vegen. Og ikkje minst alle stadane, krikane og krokane dei kjenner – både kvar for seg og saman. Frå poetiske hyllestar, via sjølvgranskande erkjenningar til absurde forteljingar. Frå nærleik til fråvær. I det lokale søkjer dei det universelle. Kjærleiken, lengten og livet.

Olav Stedje: song, gitar
Finn Tokvam: song, trommer
Odd-Erik Lothe: song, gitar
Halvor Folgerø: song, bass

Dørene opnar kl 17.00
Konsertstart kl 18.00

Kjøp bilett her: TicketCo
med eller utan buss frå vangen.

Me er glade for å kunna annonsera ei ny storhending på Hedleberget. 16. august kjem sjølvaste Vamp på besøk for å halda konsert. Vamp har spelt i mange år og halde konsertar rundt land og strand med sin flotte musikk. Sist dei var på Hedleberget hadde me to utselde konsertar, så det kan vera lurt å vera tidleg ute for å sikra seg billett. Billettar får de på

Ope frå kl. 18:00. Konsertstart kl. 19:00  Konserten varer omlag 90 min. Servering av vått og turt.

Billettar på Ticketmaster

No er det snart klart for rock på Hedleberget. 15. juni vert det tribute-konsertar med god 70-80-90 talsrock.
Rocken vert framført av band som hadde stor suksess på Heidrafest 2023. Dei spelar musikk av dei legendariske banda Thin Lizzy, Nightwish og Deep Purple / Rainbow. Her får de verkeleg sjansen til å diddla?litt på rockefoten.??

Klin Hizzy - Thin Lizzy
Night-I-Wish - Nightwish
Stargazers - Rainbow/Deep Purple

Jens Brekke i Songvehytta på Hedleberget 19. april kl 19.
Påmelding kr 150,- til Vipps 113116 eller ring 918 95 205

Sal av forfriskingar

Slomosa held konsert på Hedleberget fredag 25. august! Dørene opnar kl 18, og Duesund er med som oppvarming.

Det er mogleg å kjøpa billett med og utan buss tur/retur: TicketCo

Program:
1800 "Dørene" opnar
1815  Buss går frå Voss busstasjon
1900  Duesund
2100  Slomosa
2215  Buss går i retur til Voss busstasjon

Heilt sidan premieren på debutsingelen Horses hjå NRK Stjernepose, som kåra låten til ein av dei beste i 2019, har ørkenrock-beistet Slomosa skapt bylgjer i inn- og utland. Deirans sjølvtitulerte debutalbum på Apollon Records sommaren 2020 mottok mellom anna terningkast 6 av Bergens Tidende og 8/10 av Metal Hammer UK. Bandet har herjet Europa i 2022 på turné med legendene i Stöner (US), i Orange Goblin (UK) og i Sasquatch (US).

Support: Duesund

Duesund hadde sin debutkonsert på Voss i juni, og er i full gang med innspeling av album. Sist besto bandet av Duesund med bassisten Eline Rafteseth, men denne gonga stiller bandet i kvartett! I tillegg til Duesund og Rafteseth får du høyre Jens Kristian Mørkeby Rimau på tangentar og Elisabeth Lid Trøen på saksofon. Det vert nære og ærlege tekstar i viselandskapet, ispedd litt folkemusikk, litt jazz, litt pop og litt Hege Skøyen-fakter. Om du likar TundraRock, så likar du garantert Duesund…!

• Atle Ove Martiniussen har kåseri om: “Kveiken gjennom tida og stoda i dag” med smaksprøve
• Laila Rynning Veum: Petit-kåseri om “Kveiken i kunsten”
• Musikkinnslag av trekkspelvirtuosane Steinar Hårklau og Odd Hagen
• Komframogsier: Lyder Veum

Sal av forfriskingar

Start kl. 19. NB! Steinsenter / utstilling er open frå kl. 18

Billett kr 150,-

Velkomen til open dag på Hedleberget!
Søndag 11.09.22 kl 11.00 – 17.00

Opning av steinsenter kl 12.00
Musikkinnslag.
Utstilling av foto, kunst og kultur.
Demonstrasjon av skiferarbeid kl 14:00
Kafe’

Velkomen til Songveshytta på Hedleberget. Laurdag 23. april 2022 vert det arrangert trekkspelkveld i Songveshytta. Trekkspel-virtuosane Steinar Hårklau og Odd Hagen kjem for å underhalda med god trekkspelmusikk!

Dørene opnar kl. 18.00. Konsertstart kl. 19.00. UTSELT !

Sal av forfriskingar. Hjartelig velkomne til ein trivelig kveld på Hedleberget!

kl. 11.30 Demonstrasion av skiferarbeid, kløyving og skanting v/Jan Olav Grevle 

kl. 12.30 Guida historietur på del av kultursti inn til Songveshytta v/Ingmar Hårklau 

kl. 13.30 Kåseri om Myrkdalen "Skildringar frå ei tid som var" v/Brita Tveite 

• Ope ved museet
• Ope ved Sigurdbenken
• Kultursti
• Smed Kjell Tvilde, smedarbeid 
• Seniosløyden, trearbeid
• Jan Olav Grevle, skiferprodukt
• diverse

Kafé ved fellesbrakka og Songveshytta

Parkering nedanfor fellesbrakka og ved bom.

Sjå elles facebook-sida vår.

Interessegruppa for Hedleberget 

Endeleg kan du oppleva desse to sprudlande damene i levande live igjen!

Trine og Helle har brukt korona-året på å laga barn, skriva ny musikk og ferdigstilla debutalbumet sitt. Dei har drøymt om å gjera ein konsert i fantastiske Hedleberget lenge - og no skjer det! Denne kvelden får du ei deilig blanding av nye og gamle låtar, og ikkje minst har dei med seg eit heilt nytt band i ryggen!

Uncle Benny's Building Supplies Band har gneka skit av både banjo og bass, og klinkar til med konsert i fantastiske Hedleberget den 11. juni.

D`kor varmar opp frå kl 19:00.
Under parolen "språk er sjov!" gyv Linda Eide laus på språklege fenomen, kuriositetar og historiar. 

Me ynskjer velkomne til seminar om skifer- og helletekking laurdag 29. september 2018.

Endeleg kjem Vamp til Hedleberget - hald av laurdag 25. august! I år er det 25 år sidan Vamp kom ut med sitt aller fyrste album, ”God morgen søster”. 

Nokon driv med avskilskonsertar, medan Svein Gunnar Mørkve gjer comeback. (Foto: Siri Flatlandsmo / Hordaland)

Songkoret Bygdaklang og Interessegruppa for Hedleberget set opp songspelet Skifersongen på Hedleberget 1. og 2. juni 2018.

Vel 200 publikummarar var komne for å høyra på og fekk med seg vel to og ein halv time konsert til saman.

Over 400 opplevde konsert med Jonas Fjeld 26. august. Samstundes var dette opninga av ny og større scene på Kvammabenken.

Ordførar Hans-Erik Ringkjøb føretek den offisielle opninga av kulturstien. Jon Olav Grevle og Ingmar Hårklau tek i mot.

Omlag 350 personar hadde funne vegen til amfiet på Hedleberget den fine seinsommarkvelden og fekk oppleve ei morosam førestilling med Finn Tokvam, Olav Stedje og Claus Sellevoll.

Stein Torleif Bjella med band hadde konsert på utescena 24. juni 2015.
Konserten vart arrangert i samarbeid med Ektremsportveko.

29. august 2014 heldt Sigrid Moldestad med band konsert på utescena.